[ قصة وقصيدة في وادي الأحسبة للشاعر الشريف أحمد العبدلي ]


الأحد 3 / 07 / 2022 - 02:11 مساءً
النشرة البريدية

إلغاء الاشتراك

إستفتاء
ما رأيك بموقعنا ؟
135    (61%)

12    (5%)

73    (33%)

احصائيات عامة
المقالات 299
الصور 132
الألبومات 3
المقاطع الصوتية 32
قناة العبادلة 79
البرامج 0
المواقع 0

المجموع 545

مراسلتنا لكتابة موضوع أو مشجر أو صور تخص الأشراف العبادلة مراسلتنا على الإيميل التالي : alashraf-alabadelh@outlook.sa
قريبا موسوعة الأشراف العبادلة يقوم بإعداده نخبة من العلماء بالنسب والتاريخ ومن يملك مراجع أو وثائق أو مشجرات ونحوه مراسلتنا على الإيميل التالي : alashraf-alabadelh@outlook.sa

قصة وقصيدة في وادي الأحسبة للشاعر الشريف أحمد العبدلي
في ليله من الليالي كنا كاشتين ايام نكبة الاسم السعوديه وكنا مجموعه من
الزملاء يجمعنا العمل ودار النقاش في الاسهم وسبب انهيارها وكان كل
واحد يتكلم ويقول رايه وكان الجو جميل والقمر مكتمل وحنا طبعا في المنطقه الشرقيه وجلستنا على خط الرياض البر في هذا المكان جميل نظيف شبة النار والقهوه والشاهي والعشاء لحمة حاشي والسوالف والقصيد وكان من ضمن
الحديث قلت انا اعلق على اسهم بيشه قلت الله يقلع بيشه وماجابت حطو لنا نخلتين وتانكي ماء واخذو فلوسنا كان معانا واحد من اهل بيشه زعل الرجال وقام يتكلم بصوت مرتفع ويسأل انت وش ديرتك ومن هذا الكلام صار فيه زعل شوي ولكن اهل الخير من اخويانا تدخلو وهدو الوضع وغيرو سالفة الاسم تعشينا وسمرنا ومع الصبح كل واحد ركب سيارته وتوكل على الله وصلت البيت والسالفة باقي براسي ماراحت اخذت القلم وكتبت هذي القصيده وسميتها ديار الأحسبة :
                                                                                        
                                                  
تو الرعود ابرقت والسحابه تروم
احسب لها ساعه تجيك سيولها
تسقي ديار الأحسبه ارض القروم
ارض النشاما اللي تعن خيولها
عبادله أشراف لطامة خشوم
إن صبحوا قوم تشب حلولها
تشبع نسور الجو من رؤس الرخوم
من بعد ما نقت عيون فحولها
سلم لمن سالم وفي الهيه غشوم
نحتل عاليها ونهدي سهولها
هذي لنا عاده مع كل الخصوم
ما يهمنا كثر العداء وحمولها
حنا هل الطوله قوين العزوم
ان صكت الدنيا نفك قفولها
خيالة الهدلا نفزع باللزوم
ﻻ تناشبت نقدر نفك حلولها
قسومنا يا كبرها بين القسوم
ﻻ ركبت الابطال فوق خيولها
نكتف المطفوق والعاصي يروم
والقوم ننطحها ضحى ونجولها
نذبح عقيد القوم ونصد الهجوم
عاده لنا بين العرب ونطولها
 
شعر / الشريف أحمد بن سعيد العبدلي
الأشراف العبادلة           زيارات : 1578      تعليقات : 0                    
تعليقات فيسبوك
عرض الردود
شاركنا رأيك


الرئيسية - اتصل بنا - اعلن لدينا - ابلغنا عن مقطع صوتي او مرئي لا يعمل
الحقوق محفوظة لصالح شركة حور هوست لخدمات الويب المتكامله www.7oorhost.com ©
Powered By: Site Go